Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 48.28 | Dem. 48.31 (English) | >>Dem. 48.35 |
48.30ὅπως , ἐὰν μὲν Ὀλυμπιόδωρος οὑτοσὶ ἐπιτύχῃ τοῦ ἀγῶνος , ἐγὼ κατὰ τὰς συνθήκας καὶ τοὺς ὅρκους πάλιν τὸ μέρος λάβοιμι παρὰ τούτου , ἐὰν δʼ ἄρα ἀποτύχῃ καὶ τὰ ἕτερα ψηφίσωνται οἱ δικασταί , οὗτος παρʼ ἐμοῦ τὰ μέρη καλῶς καὶ δικαίως ἀπολαμβάνοι , ὥσπερ ὠμόσαμεν ἀλλήλοις καὶ συνεθέμεθα . ἐπειδὴ δὲ ταῦτʼ ἐβουλευσάμεθα καὶ ἐδόκει ἀσφαλέστατʼ εἶναι καὶ ἐμοὶ καὶ Ὀλυμπιοδώρῳ , προσεκλήθησαν ἅπαντες οἱ ἔχοντες τὰ τοῦ Κόμωνος κατὰ τὸν νόμον . καί μοι ἀνάγνωθι τὸν νόμον , καθʼ ὃν ἡ πρόσκλησις ἐγένετο .κατὰ τὸν νόμον τοῦτον , ὦ ἄνδρες δικασταί , ἡ πρόσκλησις ἐγένετο , καὶ τὰς ἀμφισβητήσεις ἀντεγραψάμεθα , ὃν τρόπον τουτῳὶ ἐδόκει Ὀλυμπιοδώρῳ . καὶ μετὰ ταῦτα ὁ ἄρχων ἀνέκρινε πᾶσιν ἡμῖν τοῖς ἀμφισβητοῦσιν , καὶ ἀνακρίνας εἰσήγαγεν εἰς τὸ δικαστήριον . καὶ οὑτοσὶ Ὀλυμπιόδωρος ἠγωνίζετο πρῶτος , καὶ ἔλεγεν ὅ τι ἐβούλετο , καὶ μαρτυρίας παρείχετο ἃς ἐδόκει τούτῳ · κἀγώ , ὦ ἄνδρες δικασταί , σιωπῇ ἐκαθήμην ἐπὶ τοῦ ἑτέρου βήματος . τοῦτον δὲ τὸν τρόπον κατασκευασθέντος τοῦ ἀγῶνος ἐνίκησεν ῥᾳδίως .
48.32νικήσας δὲ καὶ διαπραξαμένων ἅπαντα ὅσα ἐβουλήθημεν ἐν τῷ δικαστηρίῳ , καὶ ἀπολαβὼν παρὰ τῶν πρότερον ἐπιδικασαμένων ὅσα ἦσαν ἐκεῖνοι παρʼ ἡμῶν εἰληφότες , ταῦτα δὴ πάντα ἔχων καὶ τὸ ἀργύριον ὃ ἔλαβεν παρὰ τοῦ ἀνθρώπου τοῦ βασανισθέντος , οὐδʼ ὁτιοῦν ἠθέληκεν τῶν δικαίων πρός με ποιῆσαι , ἀλλʼ ἔχει αὐτὸς ἅπαντα , ὀμωμοκὼς καὶ συνθήκας πρός με ποιησάμενος ἦ μὴν ἰσομοιρήσειν . καὶ αἱ συνθῆκαι αὗται ἔτι καὶ νῦν κεῖνται παρὰ τῷ Ἀνδροκλείδῃ , καὶ μεμαρτύρηκεν αὐτὸς πρὸς ὑμᾶς .
Νόμος
48.31
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 48.28 | Dem. 48.31 (English) | >>Dem. 48.35 |